ഹൈക്കു

ഒരു കുടയാകമെന്നവള്‍, 

ഒരു കുടയിലാകമെന്നു ഞാന്‍,

മഴ മാത്രം പെയ്തില്ല.

സുജൂദിലലിഞ്ഞു 

തീരട്ടെ ഞാനുമെന്‍ 

പ്രണയവും

    

നിന്‍റെ തീരത്ത- 
ലിഞ്ഞുചേരാനല്ലോ,
എന്‍റെ തിരകളൊക്കെയും.







 

ഇലയെന്നോ മറന്നു കാണും, 

ഊര്‍ന്നു വീഴാന്‍ 

മടിച്ചൊരു തുള്ളിയെ..!

         

   

  

നനുത്തൊരോര്‍മയില്‍ ,

തളിര്‍ത്തതാകാം, 

കടമ്പിന്റെ ചില്ല വീണ്ടും..! 

മരുഭൂമിയില്‍ നിലാവുദിക്കുന്നു,
മരുക്കാറ്റ് മായ്ക്കട്ടെ 
കാലടിപ്പാടുകള്‍.. 

അമ്പിളിക്കലയില്‍

രണ്ടിണപ്പിറാവുകള്‍ ,

ഒന്നായി കുറുകുന്നു.

ഞാൻ തന്നെയാണെന്റെ പ്രണയം, 

എന്റെ പുഴയും,

എന്റെ കടലും.